Aizawl; Zirtawpni khan Aizawl City College Students Union buatsaihin Vanapa Hall-ah Inter College Debate buatsaih a ni a, thupui atan ‘Aizawl hi chhiatrupna lakah a la venhim theih’ tih hman a ni. He thupui hmang hian College 10 atanga zirlai thlan chhuah pahnih theuh an inhnial fiam a ni. He debate-ah hian Govt. Aizawl North College-a zirlai, H. Lalneihkima chu pakhatna a ni a, lawmmanah Rs. 7,000/- a dawng a, pahnihna, Govt. Aizawl College-a zirlai, C. Lalhlimawma chuan Rs. 5,000/- a dawng a, pathumna Govt. Aizawl North College-a zirlai, Samuel Laltlansangzuala Vaiphei chuan Rs. 3,000/- a dawng a ni. Lawmmante hi Disaster Management & Rehabilitation Principal Secretary, PC Lallawmsanga leh Aizawl City College Joint Students Union President, K. Lalhmahruaia ten an sem a, debate hi Speaker, Lalnuntawma Fanai-in a kaihruai a ni.