Birmingham a neih mek Commonwealth Games-a hmeichhe Twenty20 cricket inkhelah Australia chuan wicket thumin India an hneh. 

Over 20 chhungin India-in run 154 an siam a, Australia-in over 19 chhungin run 157 an siam thei thung. Vaw hmasatu India tan Kaur chuan ball 34-ah run 52 a hlawh chhuak a, Verma chuan ball 33-ah run 48 a vaw chhuak thung. Australia tan Ashleigh Gardner chuan ball 35-ah run 52 vaw chhuakin half century a siam a, ball 20-ah Harris chuan run 37 a hlap chhuk bawk. 

Australia hi a tirah an che fuh lo hle a, wicket 5 an hloh-in run 49 chiah an la hlawh chhuak. Mahse, ropui taka rawn comeback-in wicket thum laiin India hi an rawn hneh let thei a ni.

England captain Heather Knight chuan a khel bawr na vangin naktuka Sri Lanka an hmachhawn turah a inlan thei dawn thung a, mahse an game hnihna tur thawhlehni-a South Africa an hmachhawn hunah chuan a inlan theih beisei a ni thung.