ZALEN August 4, 2026: India ram laili lama tlangzarh a nih hnuah G.I.G Motors chuan vawiin khan The New BREZZA chu Maruti Suzuki Arena, Edenthar-ah an tlangzarh a, Traffic SP Zosangliana, IPS chuan khuh hawnna a nei.

Traffic SP chuan a motor tlangzarh, The New BREZZA leh motor dang tha tak tak te pawh rawn chhuah mah se, a pawimawh ber chu a khalhtu an ni a, car tha deuh pawh a chetsual chuan hlutna a nei lo a, car tha chu a nihna anga khalh chuak tur chuan ruihhlo tel lo a khalh a fuh ber thu a sawi a, mipui him zawk nan fimkhur a tul tih a sawi bawk.

G.I.G hian Compact SUV Sub-4m (3.8m-4m) huangah NEXA Showroom lamah FRONX an hralh chhuah mek a. ARENA Showroom-ah BREZZA an hralh chhuak thung a, tuna an face lift The New BREEZA hi company chuan 24.07.2026 khan an lo tlangzarh tawh a. Company-in an tlangzarh hnuah Mizoram-ah pawh mi 30 chuangin G.I.G-ah an booking an ti a, vawiin hian mi pahnih hnenah pekchuah nghal a ni.

The New BREZZA hi a chhuak hmasa lama a engine hman 1.5L K15C NA Smart Hybrid hmang leh thoin, 5-Speed Manual Transmission leh 6-Speed Automatic Transmission a thuam belh a ni. A engine hmasaah hian Sub-4m SUV ah hralh tha viau mahsela, Sub-4m (3.8m-4m) SUV huangah hian Company thenkhatin Turbo Engine nei an hralh chhuah tel belhkhawm chuan 2025-2026 (FY) chhung khan 2,74,601 a ni a, chawh rualin thla tin 22,883 hralh theihna a awm avangin Maruti Suzuki chuan tel ve tawh turin BREZZA facelift-ah hian Engine thar 1.0L 6-SPEED MT TURBO BOOSTERJET ISG a chhawp chhuak tel bawk a ni. Turbo engine thar hi Auto Journalist tam takin an fakin he segment pawh hi a rawn al hneh belh tura ngaih a ni.

BREZZA hi March 2016 khan hralh chhuah tan a ni a, a chhuak hmasa ber (1st Gen) hian Indian Car of the Year (ICOTY) telin Award 29 a dawng a, Compact SUV hralh hnem ber niin, a himna lamah 4 Star Global NCAP dawng pha a ni. Brezza 1st Gen. hi 1,09,000 hralh chhuah a ni. 

August 2020 khan a hmel thlak danglam hret (Face lift) a tih chhuah leh a ni. Brezza 1st Gen leh Face Lift hralh chhuah zawng zawng belhkhawm hi 6,25,000 tling chho hman. 

Brezza 2nd Gen. hi June 2022 ah tih chhuah thar niin, Sunroof a rawn nei tel. Lirthei in boruak tha lo a tih chhuah tih tlem nan Sawrkawrin lirthei siamtuten BS 6 tehna tling ngei lirthei chauh siam tawh tura a tih avangin Maruti Suzuki chuan Petrol engine leh CNG (2nd Gen ah rawn hmang tan) hmang chauh a rawn siam ta a ni. 

Brezza chhuan hnihna (2nd Gen) thleng hian 7,39,000 hralh tlin a ni. Brezza 2nd Gen leh tuna facelift chhuah leh hma thleng hian, Brezza hian a Kum 10 tlinna ah India ram mipui Nuai 14 an hralh chhuak hman a ni.