ZALEN August 6, 2023 : Mizoram Public Service Commission (MPSC)-in kum 2012 atanga 2022 thlenga combined competitive (MCS, MPS, MF&AS, MIS) exam a buatsaihah exam beitu mi 18,578 an awm a, chung atang chuan mi 174 lak an ni a. Hna lak zingah MCS tam berin mi 102 an ni.

ZALEN-in RTI hmang a zawhna a pek, MPSC-a SPIO-in a chhan danin, kum 2010 atanga nikum 2022 thleng khan MCS-ah mi 102 lak an awm a, Mizoram Police Service (MPS)-ah mi 40 lak niin, Mizoram Finance & Account Service (MFAS)-ah mi 15 leh Mizoram Information Service (MIS)-ah mi 17 lak an ni.

MPSC SPIO tar lan danin, MPSC-in Mizoram sawrkar hnuaia Group ‘B’ (Gazzetted) chin hna a la a, Mizoram Subordinate Services Selection Board (MSSSB) Group ‘B’ Non Gazzetted chin hna lak a kalpui hnuah MPSC hna lak a zangkhai phah.

Kum 2010 leh 2021-ah MCS combined-a lak a ni lo va, 2012 atanga niin, nikum thleng khan hna dil exam hmachhawn mi 18,578 an awm a, chung atang chuan mi 174 lak an ni.

Kum 2012-ah exam hmachhawn mi 2,040 an awm a, 2013-ah 2,238, 2014-ah 2,403, 2015-ah 2,259, 2016-ah 2,130, 2017 ah 1,689, 2018-ah 2,241, 2022-ah 3,581 an awm.

MPSC-in combined competitive exam a buatsaih thin hi Mizoram Civil Services (Combined competitive examination) Rules, 2020 angin kalpui thin a ni.