ZALEN September 24, 2025 : Sawrkai laipuiin September 22, 2025 atanga GST dan thar hnuaia bungraw hralhna man tur a bithliah zawm lo an awm avang complain 15 an dawn bawhzuiin vawiin khan Taxation lam chuan endik hna an thawk.

ZALEN in thu a dawn danin Taxation hian Quick Response Team an siam a, Mipui complain an dawn apiang bawhzuiin GST Rate tlakhniamna Bungraw man ti tlawm lo te chungah Dan angin an chawitir zel dawn tih Taxation lam chuan an sawi.

September 22, 2025 atanga GST Rate thar hman anih dawn avangin Taxation officer ten Sumdawng te hnen atangin GST Rate hniam hmaa bungrua an zawrhna price (wholesale leh retail) an zirchian hnuah Mizoram chhunga dawr hrang hrang an tlawh kual a, GST 2.0 hnuaia GST rate thar hman tur bawhzuiin Taxation department ten markey survey a ni a, Mizoram-ah pawh GST hniamna bungruate chu man hniama zuar turin an hriattir a ni.

A tlangpuiin chhiah hniamna bungruate hi 7%-10% te a ni tlangpui a, lang thamin bungraw man a hniam dawn tihna a ni.

Taxation Commissioner chuan GST tihhniamna bungrua a man to a hralh luite chu dan anga hrem theih an nih thu thuchhuah a siamah a tarlang a. Hetiang tihching sumdawngte chu report turin mipui lam a chah bawk a ni.