Ukraine mipuite tanpuina tura buatsaih 'Concert For Ukraine' chu zawhfel a ni ta a, $mtd 12 chuang zet sum an thawk chhuak.

He concert hi Birmingham-ah neih a ni a, khawvel huapa zaithiam lar - Ed Sheeran, Camila Cabello, Becky Hill, Snow Patrol leh Emeli Sande bakah, zaithiam dang eng emaw zat an inlan. Concert hian darkar hnih a awh a, ITV leh STV-ahte pekchhuah a ni. 

Eurovision Song Contest 2016 winner Ukrainian singer Jalama pawh he hunah hian a perform a, lawm a hlawh hle. Camila leh Ed ten 'Bam Bam' an duet bawk a, Billie Eilish leh Finneas te erawh Oscar Award-ah an inlan avangin an tel thei lo a, Ukraine an thlawpna video erawh tihchhuah a ni. 

Concert For Ukraine atanga sum lutte hi indona avanga harsatna tawk mek Ukraine mipuite tanpuinan hlan a ni ang.