Aizawl: Congress thalai chuan MNYF-in thuchhuah siama 'Chief Minister Pu Lal Thanhawla'n a sahim nan BJP sutpui vawn a tum em ni?' tia BJP sawrkar tlawn anga a tarlang chu anmahni inpuanna nia sawiin 'Sawrkar laipuia BJP a tlin avanga phusa leh kei tak emaw in ti ber party MNF hian Mizoram state BJP hi an duh a nih chuan zawmin inchhunglut ve law law mai rawh se' tiin an tarlang. Congress Thalai thuchhuah chuan Mizoram Chief Minister chuan a tih tur dik tak tiin Prime Minister thar a lawmpui a, India ram hruaitu lu ber a nihna angin fak a tulna laiah chuan a fak mai niin an sawi a. 'State khat Chief Minister lo ni tawh, Prime Minister lo ni leh ta chuan State harsatna pawh hre tur bera ngaih a ni a, puitling taka thawhpui theih tur lawmpuitu Pu Lal Thanhawla hi a chhuanawm hle a ni,' an ti bawk.