DOWNLOAD OUR APP

Read latest news on your phone
app-store

Congress buaina: Gandhi-i'n G-23 hotupa Azad-a a kawm

Mar 18, 2022

Congress President Sonia Gandhi chuan Zirtawpni khan an party-a insiam that duha nawrtu, ‘G-23’ an tiha an hotupa chan chang ber, Ghulam Nabi Azad chu a kawm. G-23 hruaitute hi tun hnai state panga inthlana an chet chhiat hle hnuah vawi thum zet thukhawm tawhin party tihnun leh dan tur leh hruaitute pawh insiksawi a tulzia an sawi tawh thin a, party tihphel tuma che an ni lo tih erawh an sawi bawk.

Congress President Sonia Gandhi chuan Zirtawpni khan an party-a insiam that duha nawrtu, ‘G-23’ an tiha an hotupa chan chang, Ghulam Nabi Azad chu a kawm.

G-23 hruaitute hi tun hnai state panga inthlana an chet chhiat hle hnuah vawi thum zet thukhawm tawhin party tihnun leh dan tur leh hruaitute pawh insiksawi a tulzia an sawi.

Pathianni khan party rorelna sang ber, Congress Working Committee (CWC) chuan Gandhi chhungkaw hruaina hnuaia awm an la duh tih an lo sawi tawh a. Hemi hnu, Nilaini hnu lamah khan G-23 member-te hi an inhmukhawm zing tawh hle thung.

CWC thutkhawmah hian Gandhi-i hian a fapte pahnih, Rahul Gandhi leh Priyanka Gandhi Vadra te nena an nihna kalsan chu a dil a; mahse, hnawlsak a ni.

G-23 hian inthlana an chak loh fo hnu, kum 2020 daih tawhah khan Gandhi-i hnenah hian lehkha thawnin an party chu tung ding leh turin insiksawi an mamawh nia an ngaih thu an lo thlen tawh.

Congress hian Punjab-ah an rorelna chan lai an hloh va, Uttar Pradesh-ah MLA pahnih chauh neiin state dangah pawh an che tha chuang lo.

Nilainia an thutkhawm zawha thuchhuah an siamah ‘Congress-in hma lam an pan leh theihna kawng awmchhun chu chhungrilah, hruaitu zawng zawng pawh huapin inhruaina thar neiha insiksawi a ngai’ niin an sawi. Congress party chu tihchak leh an duh a, ‘tihchhiat tumna an nei lo’ tih an sawi bawk.

Gandhi-i'n G-23 hotupa ber, Azad-a a kawm hi an chhungkuain anmahni dawra kal zel dan tur a sawipuina chi khat a ni.

Ningani khan Rahul Gandhi chuan Nilainia G-23 thutkhawmnaa tel, Haryana chief minister Bhupinder Singh Hooda chu Ningani khan a lo kawm tawh.

An inkawmnaah hian Hooda chuan an party chuan mi pakhat mai ni lo, a huhova thutlukna siam an mamawh thu a lo hrilh a. An hruaitu tam tak chuan party-in thutlukna a siamte chu chanchinbua a chhuah atangin an lo hre ve chauh thin niin a sawi.

Hooda hian Gandhi-a hnenah hian G-23-a telte hian ‘party kal zawngin engmah an ti lo’ tih a sawi bawk.

Share now