ZALEN January 28, 2026: Mizoram Pradesh Congress Committee chuan January 23, 2026 a MPCC Executive Committee-in Mizoram mipuite thlavang hauh tura January 30, 2026 a kawngzawh tura an lo rel tawh bawhzuiin hma an la a. Zirtawpniah hian kawng zawh ngei an tum.

Mizoram mipuite thlavang hauhna kawngzawhah hian Congress Bhavan-a nihna nei zawng zawngte, Block leh Unit-a nihna nei zawng zawngte leh Congress party mi leh sa zawng zawng chu tel turin an inhriattir a ni.

Congress party-in kawng an zawh chhan tur chu IAF hnena dik lo taka Lengpui Airport bul ram hralh duh lohna lantirna a ni ang a, India ram hmun hrang hranga nasa taka Kristiante tihduhdahna a hluar chho zel duh lohna lantirna a nih dawn bakah ni za inhlawhna (MGNREGA) nuai bo duh loh lantirna a ni dawn bawk a ni.

Zirtawpniah hian Chanmari kawn atangin kawng an zawh tan ang a, Vanapa Hall thleng an zawh dawn a ni.

Picture : Google image