ZALEN May 28, 2026 : Mizoram Pradesh Prades Congress Committee chuan tuialhthei man sang zelah Mizoram sawrkar chu petrol leh diesel-a Cess a lak mek chu tun dinhmunah chuan la rih lo se tha an tih thu an sawi.

Aizawl Press Club-a chanchinthar lakhawmtute an kawmnaah Congress Treasurer Dr. Lalmalsawmna Nghaka chuan tuialhthei man sang zel hian hnathawk tura kal velna leh bungrua phurh man a ti sang zel a, hei hi mipui hian an tuar mek a, hetianga India ramin harsatna a tawrh lai leh tuialhthei man sang zelah hian Mizoram sawrkar chu petrol leh diesel man atanga litre 1-a cheng 4/- zel a lak chu titawp lailawk se an duh thu a sawi.

Lalmalsawma Nghaka chuan Mizoram sawrkarin petrol leh diesel man a cess a lak avangin thla tin nuai 100 chuang khawn chhuak reng ang a ni a ti a, Sawrkarin Oil/POL atanga chhiah a lakkhawm tlingkhawm hi Vaibelchhe 143 chuang a ni tawh a ti a, Tuialhthei man sang avangin kawng hrang hrangin mipuiin harsatna an tawn lai hian cess hi chu la lo ngam se a duh tih a sawi bawk.