ZALEN Nov 18, 2025 : TT Zothansanga, Ex MLA, MPCC PAC chuan congress chu infrastructure dintu, MNF chu tichhetu, dehral hlir ngaihtuahtu ZPM te kan awm tih a sawi.

Vawiin a Aizawl Press Club a thuthar thehdarhtute a kawmnaah he thu hi sawiin, Congress PAC member TT Zothansanga chuan, Small Hydel Project te dahral tum zawngin engatinge hma an lak, kan neihsa hi kan hlawkpui nia hriat a nih laia Mizoram sawrkarin outsource a tum hi engatinge tih an zawt tih a sawi. "A dekral zawng hian em ni intodelh a tum?, power hi MNF ten compensation zawngin an lo hlawkpui tawh thin a, ZPM hian level sang takin an hlawkpui ve mai angem? tih hi kan zawhna a ni," a ti bawk.

Congress in ramro an siam thin tih sawi bawkin, "MNF an lo lanin an tichingpen thin," a ti a. "ZPM an lolang a, Lengpui Airport leh ZMC dehral an tum nghal a, a hnuah tourist lodge, Chaltlang te, Jordan Centre, Seṭhawn te, tunah Small Hydel Project 7 te outsource an han tum leh ta a...hawh u kan neihsa te hi chu humhimin i hralh lo hram ang u tih sawrkar kan ngenna a ni," TT Zothansanga chuan a ti.

#ZalenNews