ZALEN October 9, 2023 : Mizoram Pradesh Youth Congress Committee (MPYCC) chuan, Election Commission of India in December ni 3, 2023 (Pathianni) MLA General Election vote chhiar ni atana a ruat chu an duh lo tih an thuchhuah siamah an tarlang a, vote chhiar ni hi sawn leh ngei turin Election Commission of India chu an phut bawk.

MPYCC chuan kum 2023 MLA General Election ni atana Election Commission of India in November ni 7, 2023 (Thawhlehni) a ruat chu an pawm a, Vote chhiar ni atana Kristiante ni pawimawh Pathianni a ruat erawh hi chu an duh lo, Kristian te ni pawimawh ngaihpawimawh loh leh zah loh na lian takah kan ngai a, December ni 3, 2023 Pathianni hi khawvel pum-a Kristiante ni pawimawh tak, Bible Sunday a ni bawk, an ti.

BJP sawrkar hnuaiah Election Commission of India hian vote thlak leh chhiar ni atan hian, Kristian te ni pawimawh tak Pathianni hi a lo ruat tawh thin a. Kristian ten kan duh loh zia na takin kan lo tih lang tawh thin bawk a, chutih laia BJP kaihhruai sawrkar hnuaiah Election Commission of India in, December ni 3, 2023 Pathianni chu MLA General Election Result chhiar ni atana a ruat leh hi MPYCC chuan an duh lova, Vote chhiar ni hi Election Commission of India hian thlak leh ngei turin an phut in an ngen bawk a ni.