Aizawl March 7, 2023: Vawiin khan MPYCC Executive leh Organiser meeting neih a ni a, Lunglei Municipal Council Inthlan lo awm tura hmalak dan tur an rel. Meeting kaihruaitu MPYCC President Dr.Lalmalsawma Nghaka chuan, an sawrkar leh hunah pawh thil an tih mai mai loh tur thu leh an rik thak tur thu bakah mipui beisei leh duhthusam sawrkar an siam tur thu a sawi.

Dr. Lalmalsawmna Nghaka chuan, "Pathian leh mipui zara kan lo sawrkar anih chuan Opposition laia sawrkar dik lohna khalh ngil kawnga kan ri thak thak ang thovin,  mipui beisei leh duhthusam sawrkar kan neih ngei theihnan, keimahni sawrkar siamah pawh a tul angin Congress thalaiten theihtawp kan chhuah ang a, kan ri thak thak dawn a ni," a ti. 

Congress Thlai hruaitu chuan an sawrkar laia Lunglei khawpui tana hmasawnna thawh kawngah, sawrkar mek MNF chuan congress sawrkar kalta kha a tluk lo, a ti a, Lunglei mipui thlavang hauh ngam lo Lunglei bial thenkhata MNF MLA te chuan MNF sawrkar dinhmun a tichiang  niin a sawi.

Lunglei Municipal Council Inthlan lo awm turah Lunglei hmasawnna atana Congress sawrkar kalta hnathawh hre reng a, Lunglei Municipal Council inthlannaa an party candidate te vote vek turin Lunglei khawpui chhunga ward hrang hrang mipuite an ngen, a ti bawk

Congress thalai te hi Ni 8.3.2023-a Lunglei Congress Bhavan-a Lunglei Municipal Council Election lo awm tura Congress Party Official candidate MPCC President Lalsawta-a'n a puannaah kal an tum a ni.