Aizawl:Nizan dar 7 khan Community Health Action Network (CHAN) chuan an office, Tuikual ah human trafficking dona kaw-nga hmalak zel dan tur atan inrawn khawmna an buatsaih. He programme hi Lt.Col. Lalhmingliana, CHAN Director in kaihruaiin Maj.Lalsangpuii Project Officer THQ in Keynote address a pe a, Jimmy Laltlanmawia Prog.Coordinator in Research an lo neih tawh chung chang leh an thil hmuh chhuah te a sawi. CHAN zanriah kilho paha inrawn khawmna an neih ah hian Mizo thalai ten him zawka ram pawna hna an thawh zel theihna tur leh traffickers te man chhuah an niha hrem ngei an nih theihna tur a tana legal cell din chungchangte leh ram pawna hna zawn ngai loa ram chhunga thalai ten hna him zawk leh tha zawk an thawh theihna tur lam programme te chu ngaihpawimawh a nih tur thu an sawi khawm.