Aizawl: BJP Mizoram Pradesh President Vanlalhmuaka chuan, “Kan sawrkar hunah chuan corruption hi kan hnungkhirh dawn a ni,” a ti.

BJP-in Zirtawpni kaltaa BJP Mizoram Pradesh-in Friday Political Session an neihah he thu hi sawiin Vanlalhmuaka chuan, “Sawrkar tawhten an lo tih thin hna lak dawna Bhavan list te, Hnam Rûn List an neih ang hi BJP kan sawrkar chuan list kan nei ve dawn lo va, a thiam leh tlingte lak an ni dawn a ni. Rorelna dik hi a takin kan kalpui ang a, hna lak tur tam taka sum leh paia inthamna awm thin leh corruption hi kan hnungkhirh dawn a, chumi kan tih hunah chuan sawrkar hnaah emaw, hna dang lakah emaw pawh thalai tam tak sawrkar hna pawh dil tha duh tawh lo leh beidawng tam tak ten an thiamna hmanga hna an hmuh theih zalen takin an bei thei tawh dawn a ni,” a ti.

Vanlalhmuaka chuan, “BJP kan sawrkar huna kan ngaih pawimawh tur chu mamawhtu te hnena an mamawh thlensak hi a ni a. A bikin education, health infrastructure te, power intodelhna leh inkalpawhna kawng tha te hi kan ngaih pawimawh tur a ni a, heng rual hian a dang kan mamawhte chu a lo kal tel mai dawn a ni,” a ti bawk.