Aizawl: Kum 2008 October thla atanga Mizoramah Cigarettes and Other Tobacco Products Act (COTPA) hman anih atanga June 2015 thleng khan dan bawhchhia mi 5337 man an ni tawh a. Heng mite hnen atanga pawisa chawi tlingkhawm chu Rs. 2,37,517 a tling tawh bawk. Hemi hun chhung vek hian cigarette carton 964, zuk chi leh hmuam chi pack 2567 man a ni bawk. Mizoram State Tobacco Control Society (MSTCS) hi April 9, 2009-ah din a ni a, khatih laia Chief Secretary Vanhela Pachuau chu chairman hmasa ber a ni. November 30,2009 ah CM Lal Thanhawla'n 'Smoke Free Mizoram' a puang a, vantlang hmuna meizuk khap a ni. June 29, 2011-ah CM Hawla'n Mizoram chu'Smoke Free State'-ah a puang. Mizorama a hmasa ber atan May 25, 2013 khan Thingsul Tlangnuam chu ‘Tobacco Free Village' atan puan a ni. Nikum khan September 11 chu Mizoram State Anti Tobacco Day atan puan a ni.