DOWNLOAD OUR APP

Read latest news on your phone
app-store

COTPA danin mi 260 man tawh; IMR - Naupiang thih tam chhan vaihlo

May 02, 2015

COTPA danin mi 260 man tawh; IMR - Naupiang thih tam chhan vaihlo

Aizawl: Kum 2009 atanga April 2015 inkar chhung khan Cigratte and Other Tobacco Product Act (COTPA) dan zawmlo mi 260 man an ni tawh a, hemi hun chhung vek hian COTPA Section 7 hmangin cigarette carton 838 leh packet 2386 man a ni tawh bawk. Nimina Aizawl Press Club a thuthar lakhawm tute an kawm naah Mizoram State Tobacco Control Society hotute leh Indian Society on Tobacco & Health, Mizoram Chapter hruaitute chuan COTPA Section 7 chuan zawm a hlawh chho mek tih an sawi a, hmasawn ngaihna lai tam tak a la awm niin an sawi bawk. Danin a phut angin cigarette-ah reng reng a hlauhawmzia tarlanna ‘pictorial warning’ a awm tur a ni a, warning awm lohna hi kum 2011-ah 92% a nih laiin 2013-ah chuan 65.6%-ah a chho tih sawiin kumin-ah chuan a ziaawm chhoh leh an beisei tih an sawi. Principal Health Director Dr. K.Ropari chuan mi thiamten Mizoram chhim lama nau piang hlim an thih tam chhan an chhuinaah zuk leh hmuam an tih nasat vang tih an hmuchhuak tih a sawi a, tunah hian beihpui an thlak mek niin a sawi bawk. Gutkha zawrh thuah Food Safety and Standards-in eng thil pawh mihring ei tura siamah hriselna atana hlauh-awm thei thil reng reng, a bikin vaihlo (tobacco) leh nicotine telh khap niin media te an hrilh a ni. “Mizoram ah gutkha/ panmasala/zarda bakah vaihlo telna zawrh khap a ni tiin,” MSTCS chuan an sawi a. A zuar mekte chu thupek zawm turin hriattir a ni tawh a, dan zawm lote chungah action lak a nih tur thu an sawi bawk a ni.
Share now