DOWNLOAD OUR APP

Read latest news on your phone
app-store

Counselling Centre pantu pung zel : State Social Welfare Board

Oct 10, 2015

Counselling Centre pantu pung zel : State Social Welfare Board

Mizoram State Social Welfare Board chuan counselling Centre a enkawl te chu pantu an pung zel niin a sawi a. Naupang kum nga hnuai lam nau awmna in (creche centre) a neih zat erawh tlemin a tlahniam niin a sawi. Welfare Board enkawl Family councelling Centre hi kumtin pan tu an pung zel a, a din tan kum 1992 ah kum 1 chhungin mi 14 chauhin an pan laiin nikum 2014-ah erawh chuan mi 1460 laiin an pan tawh thung a ni. MSSWB thawktute chuan centre pantu te hi a tlangpuiin zu avanga chhung kuaa harsatna tawk an nih thin thu Zalen an hrilh a, kum 2000 hnu lamah chuan mobile phone leh internet hmansual avanga harsatna tawk leh hmeichhiat mipat hmansual, kawppuite laka rinawmlo buaina nei te’n an pan fo niin thudawnna chuan a tarlang. Mizoram State Social Welfare Board hnuaiah hian kum 1992 atanga khan family councelling Centre kalpui a ni a, tunah hian khaw hrang hrang-ah centre 9 an awm tawh a ni. Harsatna vanga sikul kal chhunzawm thei lo hmei- chhiate tan condensed course of education (CCE) an kalpui thin a, chuta zirlaite chu thla 1-ah stipend Rs. 60 an pe thin a ni. Kum 2013 atang chuan sawrkar laipui atanga an sum hmuh tur ang te an hmuh theih loh avangin an kalpui mumal tawh lo thung a ni. Board in a enkawl nau awmna 168 a awm mek a, nikum lam khan 168 awmin kuminah erawh 6 laia tlem hretin, naupang kal tur an awm loh avanga surrender leh a building that tawk tawh loh vanga tlem ta a ni. MSSWB hotu te'n Zalen an hrilh danin creche centre hi anganwadi centre-in a huam chiah loh naupangte tan a ni a, thing tlang khaw hrang hrangah te, Motherless Babies Home leh jail hrang hrangah te an din tawh a ni. %%%%%%
Share now