March 20, 2023; Special Judge (Prevention of Corruption) chuan Serchhip excise office a eirukna thubuaia thiam loh a chantir mi 2 te hremna vawiin khan a puang a, Rongura chu kum nga (5) thleng lungin tang tur leh Rs. Nuai 180 chawi turin a hrem a, Suakngura chu kum li (4) chhung lungin tang tur leh Rs. Nuai 3 chawi turin a hrem.

IN THE COURT OF SPECIAL JUDGEIN THE COURT OF SPECIAL JUDGE PREVENTION OF CORRUPTION ACTPREVENTION OF CORRUPTION ACT MIZORAM :: AIZAWLMIZORAM :: AIZAWL

**************************
S.R. (PCA) No. 01 of 2020 Ref. ACB PS Case No. 5 of 2018 dt. 22.5.2018 u/s 13 (1)(d) r/w 13 (2) of PC Act, 1988 with sections 120B/420/477A of IPC

Pu Rongura S/o Darkhuaia (L), Luangmual, Aizawl in kum 2011 leh kum 2017 inkarah Superintendent, Excise & Narcotics, Serchhip District hna a thawh laiin, amah leh a hnuaia thawk te hlawh leh hlam tur aia tam an hlawh (Salary) Bill ah siam in Rs. 1,73,48,365.00 zet a lo eirukna ah leh chu dan bawhchhiatna a a thurualpui, thamna Rs. 41000/- lo dawng tu Pu Suakngura S/o Sangliana, P&E Veng, Serchhip, chutihlaia Serchhip Treasury office a Assistant Account Officer te Court in dt. 17/3/2023 a thiamloh a lo chan tir tawh te hremna chu Special Judge, Prevention of Corruption Act, 1988 chuan vawiin dt. 20/3/2023 hian a puang a, a hnuai a mi ang hian hremna pek an ni.

1. Pu Rongura S/o Darkhuaia (L), Luangmual, Aizawl (1) u/s 420 r/w 120B of IPC = Kum nga thleng lungin tang tur leh Rs. 60 lakhs chawi turin. Pawisa chawitur hi a pe theilo a nih chuan kum sawmthum (30) lungin tang turin.

(2) u/s 477A r/w 120B of IPC = Kum nga thleng lungin tang tur leh Rs. 60 lakhs chawi turin. Pawisa chawitur hi a pe theilo a nih chuan kum sawmthum (30) lungin tang turin.

(3) u/s 13 (2) r/w 13 (1) (c) & (d) of PC Act, 1988 r/w 120B of IPC = Kum nga thleng lungin tang tur leh Rs. 60 lakhs chawi turin. Pawisa chawitur hi a pe theilo a nih chuan kum sawmthum (30) lungin tang turin.

Kum upa tawh leh sawrkar hna atanga chawl tawh, hetiang thubuai ti nawn leh tawh lo tura ngaih a nih avangin Court hian hremna hrang hrang te hi hmun khata kal khawm turin thutlukna a siam bawk. Tichuan, Pu Rongura hi kum nga (5) thleng lungin tang tur leh Rs. 180 lakhs chawi tur leh pawisa chawi tur hi a pe thei lo a nih chuan kum sawm kaw (90) chhung lungin tang turin hremna hi a pe a ni.

2. Pu Suakngura S/o Sangliana, P&E Veng, Serchhip (1) u/s 420 r/w 120B of IPC = Kum li (4) thleng lungin tang tur leh Rs. 1 lakhs chawi turin. Pawisa chawitur hi a pe theilo a nih chuan thla ruk (6) chhung lungin tang turin.

(2) u/s 477A r/w 120B of IPC = Kum li (4) thleng lungin tang tur leh Rs. 1 lakhs chawi turin. Pawisa chawitur hi a pe theilo a nih chuan thla ruk (6) chhung lungin tang turin.

(3) u/s 13 (2) r/w 13 (1) (c) & (d) of PC Act, 1988 r/w 120B of IPC = Kum li (4) thleng lungin tang tur leh Rs. 1 lakhs chawi turin. Pawisa chawitur hi a pe theilo a nih chuan thla ruk (6) chhung lungin tang turin. 

Kum upa tawh hetiang thubuai ti nawn leh tawh lo tura ngaih a nih avangin Court hian hremna hrang hrang te hi hmun khata kal khawm turin thutlukna a siam bawk. Tichuan, Pu Suakngura hi kum li (4) chhung lungin tang tur leh Rs. 3 lakhs chawi tur leh pawisa chawi tur hi a pe thei lo a nih chuan kum khat leh a chanve chhung lungin tang turin hremna hi a pe a ni.

Court in thubuai a lak thutak hle chhan a tarlan te:
1. Pawisa eiruk zah hi felfai taka finfiah a nih avang leh a tam tham em avangin Prevention of Corruption Act, 1988 hnuaia section 16 na in a tarlan ang tinzawn in pawisa chawitur tam lam hi pawisa ei ruk mil hisap a chhut a ni.

2. Treasury pisa-a thawk te thamna lak hi a pawi hle a, hetiang a nih chuan alang apau (Express) emaw, sawilang kher lo (Implied) pawhin pawisa pekchhuah tur tih khawtlai sak emaw hmang te in Treasury pisa a thawk te hian thamna an phut fo thei dawn a, hetiang thubuai-a hremna hi thuhnu dawn taka ngaihtuah a ngai a ni.