'Aquaman' actress Amber Heard chu a chunga court rorel danah a lungawi lo a, court sang zawkah a zualko dawn. Kum 36 mi hi court chuan 'defamation case' ah thiam loh a chan tir a, US dollar maktaduai 15 ($15 million) chawi turin a ti bawk. 

American actress hian a pasal hlui Johny Depp chu an inneih laia kut thlak thinah a puh a, court-ah a zualko - sum thahnem tak pek a phut bawk. Mahse he a puhna hi court-in ngun taka a ngaihtuah hnuah thutlukna a siam a, a khingtu zawk hi thiam loh chan tir a ni. $mtd 15 chawi tura tih a ni a, hei hi Amber hian a pawm thei lo a, court sang zawkah a zualko dawn tih The New York Times chuan a tarlang a ni. 

Amber hian thubuai pakhatah chuan thiam a chang thung a, a pasal hlui Depp chu $mtd 2 chawi tura tih a ni ve thung. Amber Heard hi dik lo taka a pasal a tihmualpho avangin court chuan $15 million chawi turin a ti a, Depp pawh a dik famkim bik loh avangin $2 million chawi ve tura tih a ni bawk - an inkar hi a fel lawk dawn lo a nih hmel hle.