February 16, 2023; Mizoramah COVID duty laia nunna VLTF/LLTF OB/member mi 10 an awm a, chung mite chu Mizoram sawrkar-in Ex-gratia Compensation Scheme a siam, mi pakhat zel cheng nuai 20 a ruahman chu pek fel an ni tawh.

Assembly Budget Session neih mek a Hachhek bialtu MLA Lalrindika Ralte zawhna, Health minister in ziak a a chhan danin, Covid 19 duty laia nunna chan mi 10 te chu an vaiin VLTF/LLTF a tel vek an ni a, an zinga mi 2 te chu chairman nilai an ni a, LLTF Asst. Secy pakhat awm bawkin, midang 7 te chu member an ni.

Covid 19 duty laia nunna chan zinga mi 6 te chu khawpui chhung, Dawrpui, Laipuitlang, Venghnuai, Tuikual South, Khatla, Rangvamual LLTF an ni a, midang 4 te chu Kawnpui Venglai, Thiak, Keifang Venghlun leh Rengtekawn VLTF a tel an ni. 

Health minister tarlan danin, Mizoramah Mizoramah COVID-19 vanga thi mi 726 an awm tawh.