Wuhan scientist te chuan Covid hri thar an hmuchhuak tih an sawi a, a hmingah NeoCov an vuah. NeoCov hi Covid strain zingah chuan thihpui awmsam ber turah mithiamte chuan an ngai a, a vei mi pathum zelah mi pakhtin thihpui theih tur ang hialin an ngai!
Chinese Academy of Sciences leh Wuhan University te chuan South Africa-a bak (bat) ah 'NeoCov' hi an hmuchhuak tih an puang a, ramsa dang pawh an kai darh tih an sawi. Mihringah a darh tawh em tih chu finfiah a la ni lo a, lo darh ta nise tuna Covid vaccine hian hri thar NeoCoV virus lakah hian duh thu samin mihring a venghim thei lo niin an sawi cheu bawk. 
NeoCoV virus hi Middle East-ah kum 2012 leh 2015 khan a lo leng tawh a, tuna COVID-19 kan tih nen hian kawng tam takah a thuhmun niin mithiamte chuan an sawi. NeoCoV hi South Africa-ah hmuhchhuah niin, bak atanga hmuh chhuah a ni a, nungcha dang pawhin an kaidarh a ni. 
Wuhan scientist te hian NeoCoV hi tun hnai khan bak-ah an hmuchhuak tih an puang a, khawvel a tiralkhel leh nghal hle a nih kha. He hri thar hi mithiamte an zirchhiang chho zel a, mihringah a darh tawh em tih te, a in venna tur damdawi thlengin an ngaihtuah mek a ni.