DOWNLOAD OUR APP

Read latest news on your phone
app-store

Covid leh meizuk a inhal!

Aug 07, 2022

Zirchianna atanga a lan dan chuan covid-19 vei laia meizuk chu a tha lo hle a, thihna hial thlen thei a nih thu tarlan a ni. AHA Tobacco Regulation Center leh University of Louisville, Kentucky ten an zirchianna atanga a lan dan chuan Covid-19 vei damdawiin panpui ngai zinga a zatve dawn chu meizu an nih thu an tarlang. 

Zirchianna atanga a lan dan chuan covid-19 vei laia meizuk chu a tha lo hle a, thihna hial thlen thei a nih thu tarlan a ni. AHA Tobacco Regulation Center leh University of Louisville, Kentucky ten an zirchianna atanga a lan dan chuan Covid-19 vei damdawiin panpui ngai zinga a zatve dawn chu meizu an nih thu an tarlang. 

January 2020 atanga March 2021 inkara an zirchianna atanga a lan dan chuan damdawiin panpui ngai mi 4000 zinga 39% lai chu meizial zu an ni. Covid-19 vanga nunna chante chanchin an zirchianna atang pawhin, meizu zingah nunna chan an tam hle tih a lang bawk. 

Zirchianna atanga an hmuhchhuah pakhat chu - meizial zu covid-19 vei kum 18 leh 59 inkar zingah thihna a hluar hle a, kum 60 chung lam aiin heng kumahte hian thihpui an tam zawk a ni. 

Omicron BA.5 
Covid-19 chi thar zinga khawvel luhchhuah leh mektu Omicron BA.5 hi tun laia hluar ber a ni a, US bikah phei chuan hri kai zinga 95% zet an tling phak hial. US Centers for Disease Control and Prevention chuan Omicron BA.5 hi inkai chhawn a awl sam avangin tun laia hrileng tam ber hi a nih thu an sawi.  

Omicron BA.5 hi South Africa-ah an hmuchhuak hmasa ber a, tunah chuan khawvel ram hrang hrang deng chhuak leh tawhin SARs-CoV-2 strain ai pawhin a hluar mah tawh zawk. Mithiamte chuan BA.5 symptom hi a dangte nen a inang tlangpui tih an sawi a, hrawk thip, luna, khuh leh khawsik chu a lanchhuah dan tlanglawn a ni. 

Ninga emaw kar khat chhung vel hrawk a thip chuan Omicron BA.5 symptom a ni tlangpui tih mithiamte chuan an sawi a, 
thil ei a tui lo duh viau bawk. 

Share now