Aizawl: Health & Family Welfare Board Vice-Chairman Dr ZR Thiamsanga chuan nimin khan Mizorama COVID-19 veite enkawlna tura ruat Zoram Medical College (ZMC), Falkawn tlawhin Zoram Medical College inbuatsaihna a enpui.

Dr. ZR Thiamsanga chuan ZMC a tlawh chhan chu COVID-19 veite enkawlna tura ruat a nih bakah ZMC bakah Falkawn leh ZMC a thawk daktawr leh staff te thinhrikna tawngkam hriat tur a awm fo vangin an hlauhawm lova, an him tawk a ni tih mipuiten hria se a duh vang tih a sawi a. ZMC chu WHO leh sawrkar laipui duhdan anga uluk taka enkawl a nih thu sawiin a thawktute pawh mahni nunna thapin midang tan an thawk a, in lama an haw dawn pawhin dan ang thlapin uluk takin an intifai a, him tak leh hlauhawmlo an ni tih hriat a ngai a, an rilru tihnual thei zawnga tawngkam cheh lo turin mipuite a ngen a ni.

Dr. ZR Thiamsanga sawi danin Mizoramah covid vei nia rinhlelh mi 28 sample lak tawhah mi 1 positive in mi 26 an negative a, mi 2 result hriat a ni lo. Nimin khan mi 12 te sample thawn leh a ni.