Aizawl July 1, 2024 : Mizoram Police chuan Criminal Law thar hnuaia BNS-a hnuaiah First Information Report (FIR) an dawn hmasakber chu Champhai Police Station-ah a nih thu vawiin khan DGP Anik Shukla chuan a puang. CCTNS (Crime and Criminal Tracking Network & Systems) ah pawh ziahluh nghal a ni bawk

Champhai Police Station-a FIR lut hi ruk ruk case niin T. Lalkhawngaihi d/o Keichungnunga, Bethel Veng, Champhai chuan an thirchhia leh thil dang an dahkhawmna kudam atangin Dar quintal 1.5 chuang, cheng 119000 man chu rukchhuah a nih thu a FIR-ah hian a tarlang a ni.

T. Lalkhawngi D/o Keichungnunga hian June 30, 2024 khan thu in Police hnenah hian a thil bo thu hi a hriattir a, mahse, FIR hi ziakin a awm loh avangin vawiin chawhma Dar 10:30

khan ziah luh niin, a FIR number hi - Champhai PS C/No 141/24 Dt 1.7.2024 u/s 331(4)/305 BNS 2023 a ni.