Bellator featherweight world champion Cris Cyborg chuan, a tum 11 nan round khat-naah amah chotu Ireland mi Sinead Kavanagh-i chu Bellator 271-ah a knockout a, a kawnghren a hum.

Kum 36 mi Brazilian Cyborg-i leh Kavanagh, kum 35 mi hi an insual rei lo hle a, round khatna minute khat leh second 32-naah nghalin Cyborg-i'n a khingpui tum 20 a knockout-na chiah a ni bawk. 

Cyborg-i chakna fight hi Olympic judo gold medallist leh PFL women's lightweight tum hnih champion tawh Kayla Harrison chuan a hmunah a thlir ve a. A chak zawha thu a sawinaah, Cyborg chuan Kayla-i'n a hmuna a rawn en a lawmthu sawi pahin Bellator cage chhunga fight neih puiah a cho nghal a ni.