Nizan lamah chanchin duhawm lo tak hriat tur a awm a, footballer ropui Cristiano Ronaldo leh a kawppui Georgina Rodriguez te chuan an fapa thih thu an puang.
 
Georgina hian nikum October khan phir a pai thu puanzar a ni a, mi tam takin an lawmpui thu an tarlang chuai chuai a nih kha. Tichuan, tluang taka pai chhoin a hrin a lo hun ta - mahse vanduai thlak takin an pianna lamah a mipa zawk chu a boral ta hlauh mai a ni. A phirpui hmeichhia erawh a dam chhuak tih Cristiano leh Georgina te hian an tarlang.   

Kum 37 mi Ronaldo leh Georgina (28) te chuan, "Kan fapa, kan angel duhawm. Kan hmangaih reng ang che," tiin an sawi. Kum 2010 khan Cristiano Jr. a piang a, phir unau Eva leh Mateo te chu 2017 khan an piang bawk. Rodriguez nen hian 2017 khan fanu Alana Martina an nei bawk a ni.