DOWNLOAD OUR APP

Read latest news on your phone
app-store

CSS Hindi Teacher ten thla 8 hlawh la tawh lo

Aug 13, 2016

CSS Hindi Teacher ten thla 8 hlawh la tawh lo

Aizawl: CSS Hindi teacher te chuan thla riat chhung hlawh an lak theih tawh loh avangin an buai hle a, Hindi zirtirtu thenkhat chuan party pakhat BJP ten Mizoram sawrkar dem mai lo a, Central lama an hotute chu biak sak thei zawk se tun ai hian hma sawn theih an ring. Mizoram chief minister Lal Thanhawla chuan Zirtawpni khan CSS Hindi teacher te hlawh chu Mizoram sawrkar tum ni lovin central sawrkar tum a nih thu a sawi a. BJP ten Hindi techer te hlawh pe rawh se an ti a, pe tura min duh chuan khulama an pute hnenah zu sawi se, tute emaw mawhpuh duh an nei a nih chuan central a an pu te hnenah zu thlen se. Hetiang ang a nih chuan zawm tlak in ni nge ni lo zu ti se la a that a rin thu a sawi a ni. Hindi teacher hlawh la thei lo te hi 1305 an ni a, an ni hi kum 2011 a lak an ni a, kum 2017 February thleng central rawn sponsored tur an ni a, chu mi hnu lam chu state sawrkar mawhphurhna tur anih thu thudawnna chuan a sawi. Zalen thu dawnna chuan kum dangah pawh CSS Hindi teacher te chu H/S leh M/S ah te lak thin an ni tawh a, state sawrkar chuan mamawhna avangin state plan ah a seng lut zel bawk thin a, tuna CSS Hindi teacher mi 1305 te hi an hma a mi te ang bawk a State plan a seng luh leh ngei turah tuna thawk mek te chuan an in besei niin kan thu dawnna chuan Zalen a hrrilh a ni. Zalen thudawnnain a sawi dan chuan CSS Hindi teacher te chu Mizoram hmun kilkhawr ber berah te awmin hlawh an la mumal lo thin hle a, a tlangpuiin kum khatah hlawh vawikhat an la tlangpui niin thu dawnna chuan a sawi a. Hetianga hlawh la lo rei hi sawrkar hna thawk dang an awm lova hetih mek lai hian kan chungah sawrkar leh khawtlang an thik thu a lo chhe ve thin a chuvang chuan an dinhmun chu a hrehawm hle niin kan thu dawnna chuan a sawi bawk a ni. &&&&&&&&&
Share now