Aizawl: Sawrkar laipuiin Mizorama CSS Hindi zirtirtute enfiah tura a tihte chuan an report an thehlut tawh a, presentation an pe a, hemi azirin rawih nawn leh rawih nawn loh chungchangah thutlukna siam a ni dawn nia thudawn a ni. Sawrkar laipui chuan Mizoram leh Nagaland-a CSS Hindi teacher te dinhmun enfiah a, zirchiang tur hian Award Research Foundation, Lucknow te chu rawn tirin anni hian April 5-28, 2017 chhung khan enfiah hna an thawk a. An report hi thehlut tawh mah se Ministry of Human Resources Development chuan official te hmaa power presentation pe leh tura a tih avangin thutlukna siam a la ni lo a ni. Mizoram rawn enfiahtute hian an report-ah chuan Hindi chawilar leh tihchangtlun zel a tul hle niin an report niin an sawi a; mahse, thutlukna tak erawh HRD Ministry kutah a awm thung. Mizoram rual hian Nagaland-a CSS Hindi zirtirtute bakah Orissa leh Punjab-a Urdu zirtirtute dinhmun pawh ngaihtuah nghal tum a ni.