Liverpool defender palian Virgil van Dijk chuan tun season-a trophy pali lak chu thil tih theih loh tluka harsa a nih thu leh Liverpool tan chuan duhthusam ram maiah a chan theih thu a sawi. 

Liverpool hian February thla khan Carabao Cup an chawi tawh a, tunah hian FA Cup final an nghak mek a, Premier League lamah game sarih khelh tur la neiin pahnihna an ni mek a, an chung chiaha awm Man City chu point 1-in an phak lo a, Champions League lamah semi-final an lut bawk. Jurgen Klopp-a pawl te hian Inrinni zan khan an elpui ber Manchester City hnehin FA Cup final an lut a nih kha.

Van Dijk chuan,"Tu team mahin season khatah trophy pali li an la chawi ngai lo, a chhan chu thil tih theih loh tluk a nih vang a ni," a ti.

Zanin hian Manchester United an hmachhawn dawn a, anni bakah hian team tha Everton leh Champions League khelh tum Tottenham an la hmachhawn dawn bawk. Liverpool hian Champions League semi-final-ah Villarreal an tum dawn bawk. 

Van Dijk chuan,"Hetiang teh nuaia  match hautak hmachhawn tur kan la nei a ni a, quadruple emaw Treble champion tum hi tul lo va mahni pressure insiamna a ni ve thei. Tupawhin competition-ah chuan champion an chak thin a, mah se ngaih ang ngawt hian thil hi a awlsam lo. Eng nge rawn thleng dawn kan en ang chu," a ti. 

Kum 2018 khan Virgil van Dijk hian Southampton atangin Liverpool a zawm a, tunah hian khawvel defender rinawm ber pawl a ni mek.