Stephen Curry chu NBA-a three point vawi 3,500 vawm lut hmasa ber a ni ta a, Golden State Warriors-in Pathiannia Brooklyn Nets an hneh tumin hei hi a puitlin.

Warriors-in 124-120-a hnehna an chan tum hian Curry hian point 37 thawk chhuakin three point vawi ruk a vawm lut tel a. Inkhel chanve velah record thar hi a puitlin a ni.

Kum 35 mi hian quarter linaah minute hnih pawh tling lo chhunga point 12 zet a vawm lut zawn a, hei hi a team-in hnehna an chan theih nana pawimawh tak a ni bawk.

Warriors hi vawi thum an tlawm zawn hnuah hnehna kawngah an kir leh ta bawk.

Three point vawm luh tama pakuana ni mek, Klay Thompson-a pawhin point 21 thawk chhuakin an thiante pali pawhin point 10 an lut tling vek bawk.

Nets tan Cam Thomas chuan game khata a vawm luh tam ber puitlinin point 41 thawk chhuak mah se a team a chakpui zo lo va, vawi li an khelhah vawi thum an tlawmna a ni bawk.