DOWNLOAD OUR APP

Read latest news on your phone
app-store
CWC in Bethel Centre a naupang te an kuta hlan turin ti
Apr 04, 2015
Aizawl: Ningani kalta khan Child Welfare Committee (CWC), Integrated Child Protection Scheme (ICPS) leh Mizoram Social Defence & Rehablitation Board (MSD&RB) hotute chuan Chawnpui venga Tawngtai Bethel Camping Centre an tlawh a, naupang an kawl mekte chu dan diklo a kawl an ni tiin an kuta hlan turin an hriattir. Zalen thudawn danin CWC hotute chuan Tawngtai Bethel Camping Centre hotute chu an naupang kawlte hming ziak chhuak a, an case, nu leh pa hming te chhinchhiah vek tura an hrilh bakah naupang kawl chu dan (JJ Act) phalloh anih avangin an kuta hlan turin an hriattir. Zalen in a biak naah CWC member Vanramchhuangi (Ruatfela Nu) chuan, "Centre ah hian naupang an kawl tih kan hria a, District Child Protection Officer in naupang chhuah hun tawh, a chhung ten lakchhuah an tum chu Camp thuneitute hian an lo phallo a. Naupang te te, 'hard core' bula dah reng hi a tha lo a. Chubakah Camp ah hian thihna a thleng fo mai a, an tawt lutuk bakah an ei a chhiat em avangin enfiah turin kan kal ta a ni," a ti . Naupang kum tling lo, an chhung ten Camp ah rawn dah an tum anih pawhin CWC hnena hlan zel tura lo hrilh turin an ti niin a sawi bawk. Kum 2005 a din tan, Tawngtai Bethel Camping Centre ah hian mi chi hrang hrang 553 enkawl mek an ni a. "Mangang taka min rawn pan tute hi ka hnar ngam thlawt lo a ni," tiin Camping centre neitupa chuan a sawi a. Zanlai a ni emaw pan tu an awm reng a, thenkhat chu Zu ngawlvei te an nih rual in thenkhat chu damdawi hmansual avanga talbuai tawh tak tak te an ni a. Kum 2005 atanga din tan, Tawngtai Bethel Camping Centre ah hian mi chi hrang hrang 553 enkawl mek an ni a. "Mangang taka min rawn pan tute hi ka hnar ngam thlawt lo a ni," tiin Camping centre neitupa chuan a sawi a. Zanlai a ni emaw pan tu an awm reng a, thenkhat chu Zu ngawlvei te an nih rual in thenkhat chu damdawi hmansual avanga talbuai tawh tak tak te an ni a. Tlawmngai pawl hrang hrang a bikin YMA Branch hrang hrangte chuan an Branch chhunga ruihhlo avanga talbuai te he hmunah hian an dah lut thin a. "Tisa lamah pawh chan chau tawh tak zu in a tih buai tawh tak zet te kan han enkawl a, an hmel a that chhoh a, ngai an awh hnu in chhuah leh vat vat an duh thin a, awm hun bi an zawh hma chuan chhuah kan phallo thina buaina kan tawh phah thin a ni," tiin Camping Centre neitupa chuan a sawi a. Centre atanga an chhuah theih nan hian court hial a in rawlh thin niin an sawi bawk. Tawngtai Bethel Camping Centre-a awm thenkhat chu he centre-a an awm lai hian boral an lo awm nual tawh a, tunhnai ah pawh Chaltlang lam mi pahnih boral an awm nghe nghe a. Zalen palai zawhna chhangin Centre neitupa chuan, "Damlo an awm chuan an chhungte kan hrilh vat thin a, kan centre chhunga boral tate hi chu zu avanga taksa hrisel tawh lo vung nasa lutuk te an ni," a ti a. Tun hnaia boral Chaltlang pa chu an chhungte an be tlang nghal mai thei si lo a, tha leh mai tura an ngaih laiin an beisei loh taka a boral tak mai thu a sawi. Bethel Camping Centre, Chawnpui-ah hian thawktu 4 chhiar telin ruihhlo ngai enkawl mipa 401 leh hmeichhia 136 bakah naupang 6 awmin an vaiin mi 553 an awm a ni.
India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh