ZALEN June 20, 2025; Social media a Savawm bual/sil lai post awm chungchangah DCF (Aizawl Wildlife Division) in Cyber Crime PS thubuai an thehlut dawn.

Deputy Conservator of Forest (Aizawl Wildlife Division) atanga thudawn danin, he thil thleng chungchangah hian Cyber Crime PS ah thubuai thehluh a ni dawn a, hetiang a Savawm bual/sil tu nia langte leh a hnarkaitu te chhui chhuak turin FIR hi thehluh a ni dawn a ni.

Social media thenkhat a an post a a lan danin, lui luang lai pakhatah tuten emaw Savawm an bual/sil lai a lang a, Savawm hi a thi tawh nge a la nung tih chiang tak a hriat theih a ni lo a, hetiang a Savawm sawngbawltu te hian Mizo tawng an hmang tih a hriat theih bawk.