DOWNLOAD OUR APP

Read latest news on your phone
play-store app-store
app-store
ad
Cyber Security bihchianna
titi ZALEN
Jun 30, 2019
  • - Lalhmingmawia Ralte
  • Mizoram Presbyterian Kohhran chuan Nilai Thupui-ah Media chung châng chipchiar takin kan zir zo deuh chiah a, chumi lam hawi Cyber Security Bihchianna lam hi rilru takin min lo chhiar chhuah sak ve hrâm teh u aw. BCA/BBA te hi mi nâwlpuiin kan hre lar êm êm a, chutih laiin BCA/BBA-a specialization pakhat, Cyber Security hi kan la hmelhriat lutuk lo niin a lang. Cyber Security awmzia ber chu a awlsam zawngin computer-a kan data leh information dangte a lo him theih nan a virus lakah emaw, lo hack tumtute lak a venhim mai bakah security programme thar duanchhuahte kan ti thei ang. Kan khawsak phung changkang chho zelah mi mal leh company tam zawk te chuan thil pawimawhte computer ah kan dah deuh vek tawh a, chutih laiin cyber attack pawh a lo hluar chho zel bawk si, kan data-te a himna turin security tha tak pawh kan neih ngei a tul. Hetiang hi a nih avangin Cyber Security lamah degree neih pawh a hlu chho ta hle. India ram leh khawvel hmun hrang hrangah course lar leh demand sang ber pawl a ni mek a ni. Kan data store-na computer-a thil hlauhawm a awm chuan cyber security-a kan thiamna hmangin kan lo veng thei a ni. Hmun hrang hrangah he course hi lar cho hle mah se Mizote zingah mi tam tak chuan kan la hre chiang lo vang tih ringin, he article hmang hian he course chungchang leh a scope tlêm lo highlight kan tum dawn a ni.
  1. Cyber Security lama Degree hrang hrangte: Cyber security lamah hian degree hrang hrang a awm a, chungte chu:
    (a) BTECH Cyber Security: Hei hi science stream atang chauhin a zir theih. Eligibility:10+2 Science(PCM with 50%). He course hi kum li zir tur a ni.
    (b) BCA Honours Cyber Security: He course hi kum thum zir a ni a. Eligibility:10+2 Arts, Science, Commerce with 50%.
    (c) BBA Cyber Security: He course hi kum thum zirtur ani a. Eligibility:10+2 arts, science, commerce with 50%.
  2. Cyber security hi a scope a tha em?: He course zir zawh hnu hian hna a tam em em a, company lian a bik takin TCS, Wipro, Infosys, Cognizant etc. te mai bakah company tam takin cyber security expert te hi an hire thin. Tin, sorkar department hrang hrangah pawh luh theihna chance a awm bawk. NASSCOM India-in a chhût dàn phei chuan India-in kum 2020-ah ringawt 1 million cyber security expert kan mamawh ang an ti a ni.
  3. Cyber security zir zawha hna awm theite: Hengte hi an thawh theih tlangpuite chu a ni: Cyber security manager, Cyber Security Analyst, System Administrator, Security software developers, Information security analyst, Cyber security consultants, threat intelligence, Chief information security officer (CISO), network Security engineer, security architect etc.
  4. Subjects an zir tlangpui: Computer systems, Information management, Cyber Law and ethics, Risk management, Investigation techniques, Technical report writings etc.
  5. Tuten nge zir chi: Computer lama tui mi tan a zir chi a. Computer tui lo chuan zir loh tur.
  6. Mi thiamte predict dan: Cyber security ventures-ho chuan kum 2021 thleng hian cyber security lamah hna 3.5 million vel awm an ring. (Source:https:cybersecurityventures.com).
  7. A zir man a to em?: University hrang hrangah he course hi a zir theih a, a zir man hi a inang vek lo. University thenkhat in scholarship test an pek tir a, entrance a an score azir in an fees an bithliah thin.
  8. Company-ah hlawh a tha em?: Cyber Security zir chhuakte hi company-a an thawh hian an bul tanna hi 3-5 lakhs per annum a ni tlangpui a; amaherawhchu, an thiamna a zirin hei aia sang tak pawh a ni thei bawk. An experience leh performance a zirin an hlawh hi a pung chho zel ani. Cyber security hi Mizote zingah zir chhuak kan la tam vak lo va, a demand a sang em em a, a la sang chho zel dawn ni pawhin a lang. Hna hmuh ngei theihna tur job oriented course hi Mizo thangtharten i zir uar ang u. Kan hmalam hun hi keimahni kutah theuh a innghat a, tunlai khawvel competition sang tak kara hlawhtling tur chuan course demand sang leh mi nawlpuiin an la zir tam lohte hi zir a tha fo tih kan hriat a pawimawh. He course lama hriat belh duh nei leh zir tum chuan phone no 9774184433-ah emaw, Hotel Cosmo, Zarkawt Traffic Point, Aizawl-ah a ngaihven thei e.

Latest News & Chhiar Hlawh