Aizawl May 13, 2023 : State Metrological Centre, Mizoram chuan thuchhuah siamin Cyclone Mocha-in Hmarchhak leh Mizorama lo thleng tur thlipui thawh dan tur leh ruah a rawn ken tur chungah mipuite hriat tur thuchhuah a siam.

Bay of Bengal tuipui chhak lama thlipui cyclone Mocha (mokha tia lam tur) chu thlipui natak (extremely severe cyclonic storm)-ah a insiam ta a, hmarchhak lam panin tukin zing dar 5:30 vel khan latitude 15.4°N leh longitude 89.1°E, Port Blair atanga hmar-hmarthlang lam (north-northwest) km 570 vel, Cox’s Bazar (Bangladesh) atanga chhim-chhimthlang lam (south-southwest) km 730 leh Sittwe (Myanmar) atanga chhimthlang lam (southwest) km 660 vel a thleng.

Hmar-hmarchhak (north-northeast) lam pan zelin, naktuk May ni 14 chhunah Bangladesh chhim chhakleh Myanmar hmar lam tuipui kam hrutin Kyaukpyu (Myanmar), Sittwe (Myanmar) bul velah thli natak (very severe cyclonic storm) thawk tura ngaih a ni.

Ruah Sur Dan Tur (Rainfall Warning)

He cyclone hian May ni 13, 2023 (Inrinni) leh May ni 14, 2023 (Pathianni) hian Mizoram hmun tinah ruah a thlen tura ngaih a ni a. May ni 13, 2023  (Inrinni) hian Mizoram hmun tlemte (isolated places i.e., 1%-25%) ah ruah tam tak (heavy rain i.e.,35.6 mm – 124.4 mm) sur tura ngaih niin May ni 14, 2023 (Pathianni) khian Mizoram hmun tlemte (isolated places i.e., 1%-25%)ah ruah nasa tak (heavy to very heavy rain i.e., 124.4 mm – 244.4 mm ) sur tura ngaih a nibawk.

Thli Thawt Dan Tur (Wind Warning)

May ni 14, 2023 (Pathianni) khian Mizoramah thli navak lo rawn thleng ve tura ngaih a ni a, Mizorama thli tleh nat zawng tur chu darkar khata kilometre 50-60 inkar vel, a nat lai berin darkar khata kilometre 70 vel kai thei tura ngaih a ni.

Mizorama Chhiatna Thleng Thei (Damage Expected)

1. Structure nghet lo (signboard etc) chhia a awm thei.
2. Ruah sur nasa avanga kawng chhia, kawng min a awm thei.
3. Ruah sur nasa vangin leilung nghet lo khawi lai emaw min palh a awmthei.
4. Thing te deuh (balhla kung, thingfanghma kung etc) tlu a awm thei.
5. Thlaitlu/chhiaaawmthei.

Invenna leh Hmalak Dan Tur (Action Suggested)

1. Thlai puitling tawh chu seng vat ni se.
2. Thlai chinna hmun (nurseries) ang chi thawm that ni se.
3. Fertilizers leh pesticides ang chi hman rih loh ni se.
4. Ran vulh ang chi in chhung leh hmun himah dah ni se.

Ruah leh thlir tleh dan tur thlirlawkna (Forecast and Warning)

May 14 (Pathianni) zing dar 8:30am-May15 (Thawhtanni) zing dar 8:30am

Mamit, Kolasib, Aizawl, Champai, Serchip, Lunglei, Lawngtlai, Saiha, Saitual, Khawzawl leh Hnathial District hmun thenkhatah thli darkar khata kilometre 50-60 inkar vela na, a nat lai ber darkar khata kilometre 70 vel kai thei tleh ve tura ngaih a ni a, ruah tam tak (heavy rain, nikhata 70-110 mm)/ ruah nasa tak (very heavy rain nikhata 120-200mm)vel sur tura ngaih a ni bawk.

May 15 (Thawhtanni) zing dar 8:30 am- May 16 (Thawhlehni) zing dar 8:30 am

Mamit District hmun thenkhatah ruah nasa tak (Very Heavy Rainfall, ni khata 120-200mm) sur tura ngaih ani.

May 16 (Thawhlehni) zing dar 8:30am - May 17 (Nilaini) zing dar 8:30 am

Aizawl, Kolasib, Mamit leh Saitual District hmun thenkhatah ruah tam tak (Heavy rain, ni khata 70- 110 mm) sur tura ngaih a ni.