Aizawl May 25, 2024 : Aizawl DC chuan thuchhuah siamin Bay of Bengal chhim chhak lama thlipui insiam mek, Cyclone Remal tia a hming an lo vuah lawkin a hrut theih tur zingah Mizoram tel lo mah se, Mizoram ah ruah a rawn thlen tura ngaih a ni a. May 26, 2024 leh May 27, 2024 ah hian Mizoram hmun thenkhatah thli na vak lo (50-70 kmph vel) thawk thei a ngaih a ni.

Thlipui chungchangah hian mipuite chiai lo turin a hriattir a, amaherawhchu mipuite thlipui leh ruah thleng thut palh thei laka fimkhur tur leh inring turin a ti a. Khuarel chhiatna a lo thlen in District Emergency Operational Centre Toll Free Number : 1077 hi engtik lai pawha biak pawh theih reng a ni a, engemaw vanga line tlang thei lo a nih pawhin mahni bial tu Zonal Officers te hnenah chhiatna thlen thu hriattir theih a ni, a ti.