9th, June: Gospel United Mizoram chuan June 6, Ningani zan khan Cyclone Remal vanga chhiat tawkte tanpuina turin charity concert an buatsaih a, cheng nuai 7 chuang a lut tawh. 

Tanpuina hi Gpay hmanga lutte chuah hriat theih a la ni a, lo lalut tur a awm avangin a zat chiah hi sawi theih a la ni lo. Mipuite inphalna zarah charity concert zan hian Gpay kaltlangin cheng nuai 7 chuang a lut a, America leh hmun dang atanga lut tur a la awm bawk. Hengte nen hi chuan cheng nuai 10 dawn a luh beisei a ni. 

Gospel United Mizoram charity concert atanga sum lutte hi cyclone Remal turate tanpui nan hlan a ni dawn a, a luh kim hunah tanpuina hi hlan a ni ang. Charity concert atan hian zaithiam mi 15 vel zet an che chhuak a, an inpekna a fakawm tak zet a ni.