Aizawl: Central YMA chuan July 11-20, 2017 chhung hian zu vanga harsatna tawkte pualin Agape Camping Centre, Durtlang-ah Gospel Camping buatsaih a ni dawn a nimin khan hnatlang an nei bawk a ni. Speaker atan Lalramliana (Ramtea), Gospel Thunder Team hman a ni ang. Camping neihna tur hmunhma tifaiin CEC member-te chu nimin khan an hnatlang a, Leitan Branch YMA ten an pui bawk. Central YMA chuan Camping-a lut tur hian a tam thei ang ber an sawm a, camp lut turte chuan mahni branch hruaitute hnenah inhriattir turin an ngen bawk.