DOWNLOAD OUR APP

Read latest news on your phone
app-store
CYMA Cricket khelh tan a ni
Apr 26, 2022

Mizoram Cricket tualchhung tournament lian ber Central YMA leh CAM buatsaih CYMA 11th Inter Branch Cricket Tournament 2022 chu vawiin ni 26, 2022 (Thawhlehni) khan YMA branch hrang hrang team 45 ten an khel tan a, a ni khatnaah hian Meisatla, Siaha, Bawngkawn,Tuikhuahtlang, Tuithiang, Dawrpui Vengthar leh Maubawk ten an khingpui theuh an hneh.

He tournament hi khelmual hrang hrang pathum Durtlang, Ramhlun Sports Complex leh Mualpuiah te khelh thin a ni dawn a, Inkhel thlalak hi YMA Infiamna IG leh FB-ah tarchhuah thin a ni ang. 

April 26, (Thawhlehni) inkhel Result

Bawngkawn chuan run 225 zet vaw chhuakin an khingpui Lunglei, Lunglawn chu run 131 in an hneh. Lunglei lunglawn hian over 20 chhungin run 94 chiah an siam thei a ni. 
Tuikhuahtlang pawhin an khingpui New Serchhip Bazar chu run 73-in an hneh ve bawk. Tuikhuahtlang hian over 20 chhungin run 170 an hlap chhuak a, mi 3 an out. Tuikhuahtlang tan hin Lalliansanga chuan ball 105-ah run 63 a hmu a, an khingpui New Serchhip Bazar batsman te hi over 15.5-ah out vekin run 97 chauh an siamin an chak lo. 

Mualpui lama inkhelhah Dawrpui Vengthar branch chuan Mission Veng branch an hneh. Mission Veng hian over 20-ah run 136 siamin wicket 6 an hloh a, Dawrpui Vengthar lam hi mi 4 chiah an thi hman tihin run 137 an siam thei a, wicket rukin an chak. Aizawl pawn lam atanga rawn tel team tlemte zinga mi Meisatla, Siaha chuan Zotlang chu wicket 6 bawkin an hneh ve bawk. Zotlang lam hian run 129 siamin wicket 8 an hloh a, Meisatla, Siaha te hian run 133 siamin wicket 4 chiah an hloh thung.

Ramhlun Sports Complex-a inkhelhah Maubawk chuan Serchhip Hmar Veng run 55-in an hneh. Maubawk lam hian bat hmasain over 20 chhungin run 162 an siam a, Serchhip Hmar Veng hian khum tumin um viau mahse run 107 chiah an tlin thei a ni. 
Tuithiang pawhin Aizawl district pawn Champhai Venglai chu run 58-a hnehin second round an lut ve bawk. Vaw hmasatu Tuithiang branch hian run 132 siamin Champhai Venglai 74 run chiah an siam hman a ni. 

April 27, Nilaini Khelmual  Fixtures

Durtlang

09:00 AM Durtlang N Vs Hlimen 
01:00 PM Tuikual S vs Vaivakawn

Mualpui : 
09:00 AM Sihhmui Vs Ramhlun S
01:00 PM Venghnuai Vs Chhinga Veng 

Ramhlun Sports Complex
09:00 AM Bawngkawn S Vs Zarkawt
01:00 PM Dawrpui Vs Sihphir

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh