Aizawl March 7, 2023: Central YMA chuan Mizoramah Cement Work hna hrang hrangah hnamdang ten an duh zat zat inchhiarin Theka-in hna an thawk thin an ti a, hei hi an veiin tha a ti lo a, mumal taka theka rate neih theih nan rate thar tur an siam. 

Central YMA hian hun rei tak atang khan Mizoram chhunga Theka Rate siam turin hma a la a, Mizoram Mistiri Association leh pawl hrang hrangte nen inrawn khawmin rate mumal tak neih theih nan theka rate tur a tichhuak. Ni 6.3.2023 (Thawntanni) zana Central YMA Executive Committee thukhawm chuan, Mizoram-ah mumal taka Theka Rate a awm  neih theih nan ruahmanna a siam chu mipui ten zawm theuh tur leh hei aia sanga Mistiri chhawr lo turin mipuite a ngen. Branch YMA tin te pawh an huamchhungah zawm that a nih leh nih loh thlithlai nghal turin hriattir an tichhuak bawk a ni.