Aizawl April 12, 2023 : Central YMA rorelna sang ber dawttu Central Co-ordination Committee (CCC) Meeting vawi 96-na chuan YMA Rorel Inkhawm vawi 3-na, October 27, 2022-a Thingsulthliah-a rel, YMA Khawih zingami, 'Eirukna leh hlemhletna a reh theih nan Central YMA-in tun aia chak zawkin hma la rawh se' tia a rel leh thurel passed tawh bawhzuina thlirletin hmalakna te an thlir. Kut tling lova sum la lut leh thawhchhuah phu lova khawsate endawng thiam ni se, an ti.

CYMA CCC meeting chuan, Mizoram chhunga eirukna leh hlemhletna a reh theih nan Sub-Hqrs./Group/Branch YMA ten an huamchhungah chak zawka hmala zui turin an hriattir a, Kut tling lova sum la lut leh thawhchhuah phu lova khawsate endawng thiam ni se, an ti.

Eirukna leh hlemhletna chungchanga Court rorelna leh Corruption buaipuitu Special Judge thuremnaah chu lawmawm an tih thu leh Ram leh hnam tana an hnathawh naah Court leh Special Judge-te chu YMA chuan a thlawp tlat zel dawn, an ti. 

Eirukna leh hlemhletna do tur hian ramin a ko che a ni, tiin YMA memberte tan sawmna an sawm bawk.

CCC meeting chuan YMA Rorel Inkhawm in a lo passed tawh YMA khawih hrang hrang zingah, "YMA General Conference" tih thin chu "YMA Inkhawmpui Lian"  tia hming thlak in YMA Dan Bu ennawn (2022) ah pawh dah fel a ni tawh thu thuchhuah an siamah an tarlang a. "Eirukna leh hlemhletna a reh theih nan Central YMA in hma la rawh se," tih chu hmalatu tur Committee din a nih thu an tarlang bawk.

YMA In Khawmpui Lian vawi 74-na, Biatea neih tur hun atana October 24-26, 2023 nise tia CEC in a lo rel chu CCC chuan an pawm bawk.

Central Coordination Commitee-ah hian Central YMA OB, CEC te bakah Sub Headquarter OB 6 te, Group YMA aiawh mi 2 leh Aizawl khawpui chhung Branch YMA aiawh mi 1 theuhte palai ni thei an ni a. Tun tum CCC ah hian mi 224-in ro relin Zarkawt Branch YMA ten zanriah an buatsaih sak a ni.