Aizawl: Nimina Central YMA Executive Committee thukhawm chuan Chakma Autonomous District Council thiah chungchanga lehkha pawimawhte leh tul dangte lo lakhawm a, lo zirchiang tur Study Group a ruat a, Convener Vanlalruata President niin members ah Dr. Malsawmliana, Prof. Lalnuntluanga leh Er. Lalrinmawia te an ni a, CEC-ah an thil zirchiante an thlen hnuah sawiho leh tura tih a ni. Aizawl khawpui chhunga insak nana hmun rem lo leh hlauhawm nia ngaihahte AMC-in in sak phalna permit a pek loh nan leh a lo pek tawhte pawh a tul anga ennawn a nih theih nan, lo zirchiang turin Lalhmachhuana, Gen. Secretary kaihhruai Study Group a din bawk a. Mipuiten ration buhfai buk dik tak an dawn theihna turin hmalak a rel a, 20.4.2018 (Zirtawpni) chhun dar 12:00 hian khawpui chhunga Retailer zawng zawng Central YMA Hall-ah kawm ni se an ti.