ZALEN : January 27, 2025 (Thawhtanni) zana Central YMA Executive Committee thukhawm chuan, Sawrkarin Lengpui Airport midang kuta hlan a tum chungchang a ngaihtuah a. an dinna ngaiah an la ding.

CYMA chuan, "Ni 9.8.2024-a NGO Co-ordination Committee-in, Indian Air Force (IAF) kuta Mizote rohlu Lengpui Airport hlan a remtih loh thu a lo puan chhuah tawh chu kan dinna ngai niin, kan ram leh hnam rohlu Lengpui Airport hi IAF kuta hlan hi kan remti ngai dawn lo a ni," an ti.

Hemi chungchangah hian Mizoram Sawrkar pawh, Mizo ram leh hnam tana tha ber tur thlir chunga ngaihtuahna hmang nawn leh turin an ngen tak zet bawk.