ZALEN November 20, 2025: General Administration Department, Government of Mizoram chuan Assam Rifle ram chhuahsan chhunga AR Biak In hmun chungchangah mipui hriattur a hnuaia tarlan ang hian thuchhuah a siam :

General Administration Department chuan Assam Rifle ram chhuahsan chhunga AR Biak In hmun chungchangah mipui hriattur Press Note a lo chhuah tawh a, Vide No.D 11013/7/2025-GAD dt 08.11.2025. He thu chhuahah hian AR Biak In hmun chu Central YMA ten High Court-a PIL WP(C) No 31 of 2020 thehluh zingah a tel ve angin tarlan a ni a. Hemi chungchanga thil awm dan chu hetiang hi a ni:

1. AR Biak In hmun hi Central YMA ten thubuai an thehluh zingah hian a tel anga hriat a nih avangin, Assam Rifles ram chhuahsan hman dan tur reltu tur a The Mizoram (Restriction on Use of Transferred Land) Act, 2002 hnuaia Committee din Advisory Committee thutkhawm ni 24.07.2025 a neihah chuan Court thu ngaihchan rih phawt ni se tiin a rel a. Hemi chungchang hi Mizoram Synod hruaitute pawh hriattir nghal ni se a tih angin hriattir nghal an ni.

2. Court thu ngaihchan a nih mek lai hian Central YMA chuan Mizoram Synod hnenah an thubuai thehluh zingah AR Biak In hmun chu a tel lo tih a hriattir a ni. (Vide No. CYMA 62/2024-2025/86 of 14.10.2025 dt 14.10.2025)

3. Hriattirna a dawn ang hian Mizoram Synod chuan sawrkarah AR Biak In hmun chu thubuai thehluh zingah a tel ve loh thu hi an hriattir ve nghal a. (Vide MS/GEN 8/2025/17/81/1539 dt 23.10.2025)

4. He lehkha thehluh hi Advisory Committee thutkhawm ni 18.11.2025 a neih chuan ngun takin a ngaihtuah a, tun dinhmunah chuan AR Biak In hmån hi Assam Rifle ten sawrkara an hlan zingah chuan a tel ngei a, mahse CYMA lamin thubuai a thehluh zingah a tel ve loh avangin Mizoram Synod kutah hian awm chhunzawm mai se tiin a rel a ni.

5. Advisory Committee hi party hrang hrang aiawh leh NGO sawm chuang awmna, mipui aizawh zo tura din a ni a, He Committee hian lungrual takin thuthlukna a siam thin. Committee rorelnaa tel member tupawh pawn lama Committee rorelte sawisel a, politics khelh nana hmang tawh lo turin kan inhriattirin kan inngen a ni.