October 11, 2023; Vawiin ni 11.10.2023 khan North America Mizo Christian Fellowship (NAMCF) chuan Central YMA hnenah raltlante tanpuina turin Rs.4,20,000/- an hlan.

Central YMA aiawhin R. Lalngheta, President in a dawng a, OB dang ten an tawiawm bawk.  NAMCF aiawhin Pastor Vana Chawnhlut, Treasurer in a hlan.

9.10.2023(Thawhtanni) khan Manipura Zofa pawl hrang hrang khaikhawm tura din Zo United hruaitute chu Central YMA Office ah lengin an hmalak dan te CYMA hruaitute an sawipui a.

Central YMA hian Manipur tualchhung buaina a Zo United hmalakna atan Rs.20,00,000/- an hlan a, Albert Renthlei, Convener, Zo United in a dawng.

Zo United hruaitute hian Manipur tualchhung buaina avanga Zofaten harsatna an tawh chungchangah Zo United in hma an lak chhoh mek dan te an tarlang a, Zofa pawl hrang hrang te lungrual taka an kal thu leh inpumkhat zelna tura theihtawp an chhuah thu an sawi.

Central YMA President R. Lalngheta chuan Zo United hmalak chhoh dan leh Manipura Zofa unaute zingah inpumkhatna a awm zel avanga lawmawm a tih thu a sawi a. Central YMA chuan tanpui an ngaihna apiangah theihtawp an chhuah zel tur thu a sawi.