Aizawl: CYMA chuan March 28, 2017 a an thu chhuah bawhzuiin Vishal chhuichianna an nei a, hmasawnna lian tham a la awm rih lo. Central YMA General Secretary Lalhmachhuana chuan Zalen palai zawhna chhangin March 28, 2017 a an thuchhuah chu an bawhzui tawh niin a sawi a. Zawh a la nih loh thu sawiin, “Ni hnih khat maia zawh theih a nih loh avangin kan bawhzui mek a, kan chhui mek a ni,” tiin a sawi. March 28, 2017 a Central YMA thuchhuahah hian Vishal Megamart a Franchise Agreement leh sawrkar atanga phalna an neih dan chungchangah hian thil fel lo tam tak a awm niin YMA in a hria ni a tarlan a ni a. Mizoram sorkar pawh he boruak a\ang hian ram leh hnam tana Trading Regulation mumal tak neih a \ul zia hriaa hma la tura an phut thu Centraln YMA chuan thuchhuah ah hian an tarlang bawk a ni. Thudawn danin Central YMA hian Vishal dawr hawn anih theih nana a kaihhnawih sorkar department thenkhatte a tul anga zirchiangin hmalak an tum a ni. Central YMA chuan Mizorama sumdawngte pawh hnamdang sumdawngte an lo luh lohna turin an thil zawrh te a tlawm thei ang bera zuar turin an ngen bawk a ni.