Aizawl August 4, 2023 : Vawiin khan Bible's for The World leh Hmar Students' Association (HSA) tangkawpin Manipur raltlan te tan luanchhuahna hun an nei a, CYMA hnenaha bible leh sumfai an hlan.

Bible's for The World leh HSA hian Raltlan tan Thadou-Kuki-English Parallel New Testament (with Psalm + Proverbs) leh Paite-English Parallel New Testaments (with Psalm & Proverbs) a vaiin bu 2116, Cheng 9,05,200 (nuaih kua, sangnga leh 200 ) man hu leh Cheng 1,00,000 a sumfai in an hlân a ni.

Rev. John L. Pudaite, President, Bible's for The World in thusawina hun neiin, CYMA hmalakna hrang hrang ah lâwmthu sawiin, unau leh chipuite tana theihtawp chhuah zel turin a sâwm bawk a ni.

He huna CYMA lam atangin President R. Lalngheta leh Finance Secretary Roneihthanga  ten thusawina hun an hmang a,  Bible's for The World leh HSA ten luanchhuahna châng an hriat chu lawmawm an tih thu sawiin, an thilpêk hian mi tamtak tân thlamuanna leh malsawmna a thlen an rin tlat thu an sawi a ni.

HSA Joint Headquarters Aizawl President Jerry H Pulamte pawhin thusawina hun neiin, raltlante tana CYMA inpekna zawng zawng chu lawmawm an tih thu leh unau raltlante laka an hmalakna ah an thlawp tlat zêl tur thu a sawi bawk a ni.