Aizawl February 22, 2024 : Foundation For Drug-Free Mizoram chuan an pawl in ruihhlo do kawnga hma a lakna chungchangah Mizorama tlawmngai pawl lian 3 - Central YMA, MHIP leh MUP General Headquarters te chu an pisa ah theuh kawmna an nei a, an pawl in Mizoram tuam tura hma an lakna ah pawl 3 te tawiawmna an ngen.

Central YMA hi an vice president Prof. Lalnuntluanga leh CEC ten lo dawngsawngin; Foundation For Drug-Free Mizoram pawl hmalakna an lo ralkhat hriat tawh thu leh thawhho theih dan kawng chu an pawl thuneitu sang CEC ah an lo ngaihtuah tur thu in a thlah a.

MHIP hruaitute hi an President Ngurmawii Sailo hoin; O.B kimin an lo dawngsawng a. Pawl hmalakna tha an tih thu leh hun lo kal leh turah programme duanho dan kawng zawn tha an tih thu an sawi a.

MUP General Headquarters hi an President Nghaklianmawia leh O.B ten lo lawmin; ruihho vanga harsatna thleng thin lakah leh an tu fate awmdan zirchiang turin kum upa te lo inbuatsaih a tul thu sawilan niin; MUP Tlangau Bu ah ruihhlo laka tu leh fate dinhmn hriat theihna lamhawi thuziak theih dan kawng zawn nise an ti.

Foundation For Drug-Free Mizoram hian Ruihhlo Tel Lo Nun Duhawm Zawk tih thupui keng a, Ruihhlo laka tleirawlte venhna an thawhna ah hian Mizorama tlawmngai pawl ding zawng zawng te leh Kohhran tin te chu thawhpuiah an sawm a ni.