Aizawl: Dak In (Post Office) hmanga pawisa chetvel tir thin te chuan Savings Account pangngai an neih vek a ngai tawh dawn a, account an hawn ngei a ngai tawh dawn thu Dak In hotute chuan Zalen an hrilh. Dak In hotute chuan dak ina pawisa dah thin te'n account puitling hawng kher loin sum an dah thin thu leh sum chevel pawh account te nau zawk, small savings hmangin an ti thei thin tih sawiin thupek thar central Dak In pui atanga an dawn angin heng sum dah thin leh sum chevel dawnna atana dak in hmang tu te chuan savings account an hawn ngei a ngai tawh niin an sawi. Central lama April 1 hmaa account hawn kher a la ngai lo tih thawm awm chu order an la hmuh ve rih loh thu sawiin Dak in hotute chuan January 15, 2018 chu order an hmuh hnuhnun ber anga a last date niin an sawi.