Aizawl; Mizorama damdawi zuar intelkhawm, Mizoram Chemists & Druggists Association (MCDA) chuan damdawi zawrh phalna (license) pek tawh leh nei mek a taka damdawi zuar lo an vei thu an sawi. MCDA hian Zirtawpni khan Aizawl Civil Hospital Auditorium-ah meeting an nei a, meeting chuan MCDA-in Taxation department a Tax an pekna kawnga On Line sysytem vanga an buaina leh harsatna hrang hrang an tawh thin siamthat ala ni lo chu hriatthiam har an tih thu an sawi a, an harsatna chu a changtu Minister hnenah thlen leh nise an ti bawk a ni. MCDA chuan damdawi zawrh phalna sorkarin a pek, a taka zuar leh si lo te chu sawrkarin dap chhuak se, a tul angin hma la se an an ti a. Pharmacist ten rate mumal awm lova rate an tisang thin chu an duhloh thu sawiin damdawi khehpuama in hnamhnawih thinte chu sorkarin an license cancel sak zel se an duh thu an sawi bawk.